၂၀၂၄ ခုနှစ် ဧပြီလမှစ၍ ဂျပန်နိုင်ငံအစိုးရသည် အထူးကျွမ်းကျင်လုပ်သားစနစ် (တိုခုတေးဂီနိုး ) ဗီဇာအစီအစဉ်ကို တိုးချဲ့ခဲ့ပြီး သယ်ယူပို့ဆောင်ရေးလုပ်ငန်းတွင် နိုင်ငံခြားသားအလုပ်သမားများအား ပိုမိုလက်ခံလာနိုင်မည်ဖြစ်သည်။ တက္ကစီလုပ်ငန်းကဏ္ဍအတွက်လည်း အခမ်းအနားအသစ် စတင်ဖွင့်လှစ်လိုက်ခြင်းပင်ဖြစ်သည်။ ဂျပန်နိုင်ငံတွင် တက္ကစီယာဥ်မောင်းအဖြစ် အလုပ်လုပ်ခြင်းသည် နိုင်ငံခြားသားအလုပ်သမားများအတွက် အကျိုးကျေးဇူးများစွာနှင့် ဆွဲ‌ဆောင်မှုများစွာရှိပါသည်။ ဂျပန်နိုင်ငံတွင် တက္ကစီယာဥ်မောင်းအဖြစ်လုပ်ကိုင်ခြင်း အကျိုးကျေးဇူးနှင့်ဆွဲဆောင်မှုများကို ရှာဖွေကြပါစို့။

လစာနှင့်နှစ်စဉ်ဝင်ငွေမြင့်မားခြင်း

ဦးစွာပထမအနေဖြင့် အခြားသောလုပ်ငန်းများနှင့်နှိုင်းယှဉ်ပါက လစာနှင့်အကျိုးခံစားခွင့်များ အလွန်မြင့်မားသည်ဟု ပြောနိုင်ပါသည်။

အောက်ပါဒေတာကို ကြည့်ပါ။ ဘယ်ဘက်ခြမ်းတွင်ရှိသော မီးခိုးရောင်တိုင်သည် အထူးကျွမ်းကျင်လုပ်သားစနစ်ရှိ လုပ်ငန်းနယ်ပယ် ၁၂ ခု၏ ပျမ်းမျှလစာကို ကိုယ်စားပြုထားပါသည်။ အထူးကျွမ်းကျင်လုပ်သားစနစ်သည် ပြည်တွင်းလုပ်သားရရှိရန်ခက်ခဲသော လုပ်ငန်းနယ်ပယ်များတွင် ကျွမ်းကျင်မှုနှင့်အသိပညာရှိထားသော နိုင်ငံခြားသားအလုပ်သမားများကို လက်ခံရန်အတွက် ရည်ရွယ်ဆောင်ရွက်ထားခြင်းဖြစ်သည်။ တွေ့မြင်ရသည့်အတိုင်း အသစ်ထည့်သွင်းထားသော မော်တော်ယာဥ်သယ်ယူပို့ဆောင်ရေးလုပ်ငန်းသည် အခြားသောနယ်ပယ် ၁၂ ခုနှင့် နှိုင်းယှဉ်ပါက လစာအလွန်မြင့်မားသည် ဖြစ်သည်။

 မော်တော်ယာဥ်သယ်ယူပို့ဆောင်ရေးလုပ်ငန်းရှိ အထူးကျွမ်းကျင်လုပ်သားများ၏ လစာ

မော်တော်ယာဥ်သယ်ယူပို့ဆောင်ရေးလုပ်ငန်းရှိ အထူးကျွမ်းကျင်လုပ်သားများအတွက် အကြီးမားဆုံး ဆွဲဆောင်မှုမှာ လစာဖြစ်သည်။

အခြားသောနယ်ပယ်များနှင့်နှိုင်းယှဉ်ပါက ပျမ်းမျှလစာအလွန်မြင့်မားပါသည်။

အရင်းအမြစ် - ကျန်းမာရေး၊ အလုပ်သမားနှင့် လူမှုဖူလုံရေးဝန်ကြီးဌာန၏ ၂၀၂၂ ခုနှစ် လစာပုံစံအခြေခံစာရင်းများစိစစ်ချက်

အငှားယာဥ်နှင့် တက်စီအဖွဲ့ချုပ်၏ ၂၀၂၂ ခုနှစ် တက်စီယာဥ်မောင်းများ၏ လစာနှင့် အလုပ်ချိန်အခြေအနေ/ ဂျပန်နိုင်ငံကုန်တင်ယာဥ်သယ်ယူပို့ဆောင်ရေးအသင်း ၂၀၂၂ ခုနှစ် ကုန်တင်ယာဥ်သယ်ယူပို့ဆောင်ရေးလုပ်ငန်းရှိ လစာနှင့် အလုပ်ချိန်အခြေအနေ

ထို့အပြင် တက္ကစီယာဥ်မောင်းများ၏ လစာစနစ်သည် ပုံမှန်လခစားဝန်ထမ်းများ၏ လစာစနစ်နှင့် ကွာခြားပါသည်။ ကော်မရှင်စနစ်ဖြစ်ပြီး ခရီးသည်ရရှိမှုအပေါ်မူတည်၍ လစာမြင့်တက်နိုင်ပါသည်။ ကုမ္ပဏီအများစု၏ ကော်မရှင်နှုန်းထားမှာ ၆၀ ရာခိုင်နှုန်းဝန်းကျင်ဖြစ်ပါ၍ တစ်လလျှင် ၈၀၀,၀၀၀ ယန်း ကျော်တန်ဖိုးရှိ ခရီးသည်ရရှိနိုင်ပါက မိမိ၏တစ်လဝင်ငွေမှာ ၄၈၀,၀၀၀ ယန်းအထိဖြစ်နိုင်ပါသည်။ သို့ပါ၍ ယန်း ၁,၀၀၀,၀၀၀ တန်ဖိုး ခရီးသည်ရရှိပါက တစ်လဝင်ငွေ ၆၀၀,၀၀၀ ယန်းဝန်းကျင် ရရှိမည် ဖြစ်သည်။ နိုင်ငံခြားသားများအတွက် ကောင်းမွန်သည့် အလုပ်အကိုင်အခွင့်အလမ်းဖြစ်ပါသည်။ ထို့အပြင် လက်ရှိ တက္ကစီမောင်းသူများ၏ အသက်အရွယ်ပျမ်းမျှမှာ ၆၀ နှစ်ဝန်းကျင်ဖြစ်ပါသည်။ သို့ပါ၍ အတွေ့အကြုံရှိသည့် ငယ်ရွယ်သောနိုင်ငံခြားသားတက္ကစီယာဥ်မောင်းများအနေဖြင့် ဂျပန်ယာဥ်မောင်းများထက် ဝင်ငွေပိုမိုရရှိနိုင်ပါသည်။

အလုပ်နှင့်ဘဝညီမျှမှု

အခြားသော လုပ်ငန်းနယ်ပယ်များနှင့်မတူဘဲ တက္ကစီယာဥ်မောင်းများအနေဖြင့် အလုပ်နားရက် အလွယ်တကူရရှိနိုင်ပါသည်။ အဘယ်ကြောင့်ဆိုသော် တက္ကစီကုမ္ပဏီအများစုက ကျင့်သုံးနေသည့် အလှည့်ကျနေ့ဆိုင်းအလုပ်ချိန်စနစ်ကြောင့်ဖြစ်သည်။

အလှည့်ကျနေ့ဆိုင်းအလုပ်ချိန်စနစ်သည် တစ်နေ့လုံးအလုပ်လုပ်ပြီး နောက်တစ်ရက်တွင် အနားယူသည့် ပုံစံဖြစ်သည်။ ဥပမာ မနက် ၆ နာရီမှ နောက်နေ့မနက် ၂ နာရီအထိ အလုပ်လုပ်ပါက ထို့အလုပ်ချိန်ပြီးနောက် တစ်ရက်လုံးသည် အနားယူရက်ဖြစ်သည်။ အဆိုပါစနစ်တွင် အလုပ်လုပ်ချိန် နာရီ ၂၀ မှ ၂၂ နာရီအထိကြာနိုင်သော်လည်း နာရီ ၂၀ ထက်ပို၍ ဆက်တိုက်အလုပ်လုပ်ခြင်းမဟုတ်ဘဲ ကြားတွင် အနားယူချိန် ၃ နာရီပါဝင်ပါသည်။

တက္ကစီယာဥ်မောင်းတွင် ပုံမှန် နေ့ဆိုင်း ညဆိုင်းအလုပ်လုပ်ချိန်များရှိသော်လည်း အလှည့်ကျနေ့ဆိုင်းအလုပ်ချိန်စနစ်သည် ပိုမိုအနားယူရက်များရှိပြီး ကိုယ်ပိုင်အချိန်ပိုမိုရရှိစေမည် ဖြစ်သည်။ အဆိုပါအလုပ်ချိန်စနစ်သည် မိသားစုနှင့်အချိန်ကို ဦးစားပေးသူများ၊ အလုပ်လုပ်ကိုင်ရင်း မိမိတို့ဝါသနာပါရာနှင့် အိပ်မက်များအား ဆောင်ရွက်အကောင်အထည်ဖော်လိုသူများအတွက် သင့်တော်ပါသည်။

 မည်သူမဆို တက္ကစီယာဥ်မောင်းအလုပ်လုပ်ကိုင်နိုင်!

အခြေခံအားဖြင့် အဆင့် ၁ လိုင်စင်အား ၁ နှစ်ကျော်ရရှိထားပြီးသားသူတိုင်း မည်သူမဆို တက္ကစီယာဥ်မောင်းအဖြစ် လုပ်ကိုင်နိုင်ပါသည်။ လမ်းစည်းကမ်းဥပဒေပြင်ဆင်ထားမှုကြောင့် တက္ကစီမောင်းနှင်ရန်လိုအပ်သည့် အဆင့် ၂ လိုင်စင်ရယူရာတွင် လိုအပ်ချက်များအား ဖြေလျှော့ထားပြီး အဆင့် ၁ လိုင်စင်ရရှိပြီးနောက် ၁ နှစ်အတွင်း တက္ကစီယာဥ်မောင်းအဖြစ် လုပ်ကိုင်နိုင်မည် ဖြစ်သည်။ ယာဥ်မောင်းနှင်ရာတွင် အထောက်အကူပြုမည့် နည်းပညာများ၊ လမ်းကြောင်းပြစနစ်များ အစရှိသည်တို့ကို စတင်ဆောင်ရွက်နေပြီဖြစ်ပါသဖြင့် ပိုမိုလွယ်ကူလာနိုင်မည်ဖြစ်သည်။ ထို့အပြင် ပထဝီဝင်စစ်ဆေးမှုအားဖျက်သိမ်းလိုက်ပါသဖြင့် ဂျပန်နိုင်ငံ၏ပထဝီဝင်အနေအထားနှင့် အကျွမ်းတဝင်မရှိသည့် နိုင်ငံခြားသားများအနေဖြင့်လည်း တက္ကစီယာဥ်မောင်းအလုပ်အား စိန်ခေါ် လုပ်ကိုင်နိုင်မည်ဖြစ်သည်။ သို့ပါ၍ တိုကျို၊ ကာနာဂါဝါနှင့် အိုဆာကာကဲ့သို့သော မြို့ကြီးများတွင် တက္ကစီယာဥ်မောင်းအဖြစ် အလုပ်ပြောင်းလိုသူ သို့ အလုပ်ရှာလိုသူများအတွက် အရေးပါသည့် အခွင့်အရေးတစ်ခုဖြစ်သည်။

သက်ဆိုင်ရာကျွမ်းကျင်မှုများရရှိထားခြင်း

တက္ကစီယာဥ်မောင်းအလုပ်သည် ယာဥ်မောင်းနှင်ရုံသပ်သပ်မဟုတ်ပါ။ ခရီးသည် ဝန်ဆောင်မှု၊ လမ်းကြောင်းညွှန်ပြနိုင်မှုနှင့် အရေးပေါ်တုံ့ပြန်ဆောင်ရွက်နိုင်မှုအစရှိသည့် ကျွမ်းကျင်မှုအမျိုးမျိုးကို သင်ယူရရှိနိုင်ပါသည်။ အနာဂတ်တွင် အဆိုပါအရည်အချင်းများသည် အခြားသောလုပ်ငန်းနယ်ပယ်များတွင်လည်း အသုံးဝင်လာမည်ဖြစ်သည်။ ထို့အပြင် ဂျပန်နိုင်ငံ၏ အထူးစံနှုန်းများနှင့်အညီ လုပ်ငန်းကျင့်ဝတ်များနှင့် ခရီးသည်ဝန်ဆောင်မှုများကိုလည်း သင်ယူနိုင်ပြီး ကိုယ်ပိုင်စွမ်းရည်များတိုးတက်လာနိုင်စေမည့် အခွင့်အ‌ရေးတစ်ခုဖြစ်ပါသည်။

ယဥ်ကျေးမှုဖလှယ်နိုင်ခြင်း

ဂျပန်နိုင်ငံတွင် တက္ကစီယာဥ်မောင်းအဖြစ်လုပ်ကိုင်ခြင်း၏ နှစ်လိုဖွယ်အကောင်းဆုံးအချက်မှာ ဂျပန်နိုင်ငံယဥ်ကျေးမှုကိုလေ့လာသင်ယူ ဆက်ဆံနိုင်သည့်အခွင့်အရေးရရှိခြင်းဖြစ်သည်။ အနာဂတ်တွင် နိုင်ငံခြားသားခရီးသွားများ ပိုမိုများပြားလာမည်ဖြစ်ပြီး အမျိုးမျိုးသော နိုင်ငံခြားသား ခရီးသည်များနှင့် ပုံမှန်ပြောဆိုဆက်ဆံရမည်ဖြစ်သည်။ မိမိတို့မိခင်ဘာသာစကားဖြင့် ပြောဆိုဆက်သွယ်နိုင်သည့် နိုင်ငံခြားခရီးသွားများအတွက် ၎င်းတို့ဘာသာစကားဖြင့် ဆက်သွယ်နိုင်မည့် ယာဥ်မောင်းရှိခြင်းသည် ဝန်ဆောင်မှုနှစ်လိုဖွယ်ရှိသည်ကို ပြသနေခြင်းဖြစ်သည်။ ၎င်းတို့ဘာသာစကားဖြင့် ဂျပန်နိုင်ငံယဥ်ကျေးမှုများအား မိတ်ဆက်ပေးခြင်းဖြင့် ဂျပန်ယာဥ်မောင်းများမှ ဆောင်ရွက်ပေးနိုင်ခြင်းမရှိသည့် ထူးခြားကောင်းမွန်သည့်  ဝန်ဆောင်မှုတစ်မျိုးဖြစ်ပါသည်။

ဘာသာစကားစွမ်းရည်တိုးတက်စေခြင်း

ဂျပန်နိုင်ငံတွင် တက္ကစီယာဥ်မောင်းအဖြစ်လုပ်ကိုင်ခြင်းဖြင့် ဘာသာစကားစွမ်းရည်တိုးတက်လာနိုင်ပါသည်။ နေ့စဉ်လုပ်ငန်းများဆောင်ရွက်ခြင်းမှတဆင့် ဂျပန်ဘာသာဖြင့် ပြောဆိုဆက်သွယ်မှု တိုးတက်လာနိုင်ပြီး လက်တွေ့လုပ်ငန်းသုံးဘာသာစကားများကို လည်းသင်ယူနိုင်မည်ဖြစ်သည်။ ဂျပန်ဘာသာစကားကျွမ်းကျင်မှုတိုးတက်လာခြင်းဖြင့် အခြားအလုပ်အကိုင်ပြောင်းလဲလုပ်ကိုင်နိုင်ခြင်း သို့ မိမိအနာဂတ်တိုးမြင့်လာနိုင်ခြင်း အစရှိသည့် အခွင့်အလမ်းများလည်း ရရှိနိုင်မည် ဖြစ်သည်။

ဘဝအဆင့်အတန်းမြင့်တက်လာခြင်း

ဂျပန်တွင် လုံခြုံဘေးကင်းသောပတ်ဝန်းကျင်နှင့် အဆင့်မြင့်ကောင်းမွန်သည့် ပြည်သူ့ဝန်ဆောင်မှုများ၊ အဆောက်အအုံများကို ပံ့ပိုးပေးထားပါသည်။ နိုင်ငံခြားသားယာဥ်မောင်းအဖြစ် အလုပ်လုပ်ကိုင်ခြင်းဖြင့် အဆိုပါ အဆင့်မြင့်နေထိုင်မှုစနစ်များကို ခံစားနိုင်ပြီး မိသားစုကိုလည်း ကောင်းမွန်စွာ အထောက်အပံ့ပြုနိုင်မည်ဖြစ်သည်။ ထို့အပြင် ဂျပန်နိုင်ငံ၏ လူမှုဖူလုံမှုစနစ်တွင်ပါဝင် ခြင်းဖြင့်လည်း ရေရှည်အကျိုးရှိစေမည့် အခွင့်အရေးဖြစ်ပါသည်။

အနှစ်ချုပ်

ဂျပန်နိုင်ငံ၏ အလုပ်သမားရှားပါးမှုပြသနာမှာ ပြင်းထန်လျှက်ရှိပြီး နိုင်ငံရပ်ခြားမှ အလုပ်သမားများကို မှီခိုအားထားရမည့် အခြေအနေဖြစ်သည်။ နိုင်ငံခြားသားအလုပ်သမားများအတွက် ပြင်ဆင်ပေးထားသည့် ပတ်ဝန်းကျင်တွင် အလုပ်လုပ်ကိုင်ခြင်းဖြင့် ကြီးမားသည့် အကျိုးကျေးဇူးများနှင့် နှစ်လိုဖွယ်များအား ရရှိခံစားနိုင်မည်ဖြစ်သည်။ အထူးကျွမ်းကျင်လုပ်သားဗီဇာစနစ်အောက်တွင် အလုပ်လုပ်ကိုင်ခြင်းဖြင့် နိုင်ငံခြားသားများအနေဖြင့် ဂျပန်နိုင်ငံတွင် ကောင်းမွန်သည့် အနာဂတ်တည်ဆောက်ရန်အတွက် သိသာသည့် ခြေလှမ်းတစ်ခု ဖြစ်လာမည် ဖြစ်သည်။