ကုမ္ပဏီအကြောင်း

လူမှုအသိုင်းအဝိုင်း၏ အလျင်အမြန် ပြောင်းလဲမှုများကြောင့် ယနေ့ ဂျပန်တွင် လူသားအရင်းအမြစ်အင်အား လျော့နည်းလာမှုသည် ပြင်းထန်သော လူမှုရေးပြဿနာတစ်ခု ဖြစ်လာပြီး၊ နိုင်ငံခြားသား အလုပ်သမားများသည် အနာဂတ်ကို ဖန်တီးရန် မလွဲမသွေ အဓိကကျသောအရာဖြစ်လာသည်။

2019 ခုနှစ်တွင် စတင်မိတ်ဆက်ခဲ့သော 「အထူးကျွမ်းကျင်အလုပ်သမား」စနစ်သည် ဤပြဿနာကို ဖြေရှင်းရန် စတင်ခဲ့သော်လည်း နိုင်ငံခြားသား အလုပ်သမားများနှင့် ကုမ္ပဏီများ ရင်ဆိုင်နေရသော စိန်ခေါ်မှုများမှာ ပုံစံအမျိုးမျိုးရှိ၍ မလွယ်ကူသည့် အခြေအနေတွင်ဖြစ်သည်။

နိုင်ငံခြားသား အလုပ်သမားများအတွက် ပတ်ဝန်းကျင်အသစ်တွင် ဂျပန်ဘာသာစကားအခက်အခဲနှင့် ဂျပန်နိုင်ငံစည်းမျဉ်းများကြောင့် ဖိစီးမှုကြုံတွေ့ရပြီး အရည်အချင်း အစစ်အမှန်ကို ထုတ်ဖော်ပြသရန် အခက်အခဲများကြုံတွေ့နေရသည်။ တစ်ဖက်မှာလည်း အလုပ်ရှင်များအနေဖြင့် ယဥ်ကျေးမှုနှင့်အမြင်ကွာခြားသည့် နိုင်ငံခြားသားများနှင့် ပူးပေါင်းလုပ်ကိုင်ရာတွင် အခက်အခဲများ ရှိသည်မှာ အမှန်တရားဖြစ်သည်။

2024 ခုနှစ် မတ်လတွင်၊ 「အထူးကျွမ်းကျင်အလုပ်သမားစနစ်」အဖြစ် လုပ်ငန်းအမျိုးအစားအသစ် ၄ မျိုး (မော်တော်ယာဉ်သယ်ယူပို့ဆောင်ရေး၊ မီးရထား၊ သစ်တောလုပ်ငန်း၊ သစ်သားလုပ်ငန်း) ကို ထပ်မံထည့်သွင်းမိတ်ဆက်ခဲ့သည်။ ၎င်းတို့အနက်မှ တစ်ခုဖြစ်သော မော်တော်ယာဉ်သယ်ယူပို့ဆောင်ရေး (ယာဉ်မောင်း) အတွက် လူသားအရင်းအမြစ်ဖွံ့ဖြိုးတိုးတက်ရေးနှင့် အလုပ်‌ခေါ်ယူမှုနှင့်စပ်လျဉ်းသည့် အကြံပေးဝန်ဆောင်မှုများတွင် ကူညီထောက်ပံ့ပေးသွားမည် ဖြစ်သည်။

အဆိုပါအစီအစဉ်မှာ လူများနှင့် အလုပ်အကိုင်များကို ဆက်သွယ်ပေးရုံသာမက နိုင်ငံခြားသားယာဉ်မောင်းများကို ပရော်ဖက်ရှင်နယ်အဖြစ် ကျွမ်းကျင်မှုတိုးတက်စေမည့် အခွင့်အလမ်းများပေးကာ ဂုဏ်ယူစွာဖြင့် အလုပ်အကိုင်ရရှိ၍ ဘဝတည်ဆောက်နိုင်ရန် အထောက်အကူပြုခြင်းဖြစ်သည်။

ဤကြိုးပမ်းမှုများမှတဆင့် ပြည့်စုံအေးချမ်းသော ဘဝတစ်ခုကို တည်ဆောက်ရန် အခြေခံအုတ်မြစ်ထားကာ အလုပ်ရှင်များ ရင်ဆိုင်နေရသော အခက်အခဲ အမျိုးမျိုးကို ရင်ဆိုင်ဖြေရှင်းရာတွင် ကူညီပေးခြင်းအားဖြင့် နိုင်ငံခြားသားအလုပ်သမားများနှင့် အလုပ်ရှင်များအကြား ကောင်းမွန်သည့် ပူးပေါင်းဆောင်ရွက်မှုဆက်ဆံရေးတစ်ခု တည်ဆောက်ကို တည်ဆောက်ရန် ကြိုးပမ်းပါမည်။

Joys Japan သည် သင်၏ အနာဂတ်ကို ပိုမိုပွင့်လမ်းလာစေရန်အတွက် လုပ်ငန်းပါတနာအဖြစ် နိုင်ငံခြားသားယာဉ်မောင်းများကို အလုပ်ခန့်ထားရာတွင် အထူးကောင်းမွန်သော အစီအစဉ်တစ်ခုဖြင့် စတင်နိုင်ရန် အထောက်အကူပေးသွားပါမည်။